Agjencia për siguri ushqimore ka bllokuar rreth 50 tonë produkte ushqimore që nuk plotësonin standardet e sigurisë, duke parandaluar hyrjen e tyre në treg.

Ndër produktet e bllokuara janë sasi të mëdha mishi viçi nga Paraguaji, të cilat nuk plotësonin standardet sanitare, si dhe arra nga Kazakistani me nivel të lartë kontaminimi.

Inspektorët kanë zbuluar probleme të shumta, duke përfshirë mungesë dokumentacioni, kushte të papërshtatshme transporti dhe praninë e substancave të rrezikshme mbi limitet e lejuara.

Agjencia ka theksuar se kontrollet do të forcohen edhe më tej, veçanërisht për produktet që vijnë nga vende me të cilat nuk ka marrëveshje të drejtpërdrejta për standardet ushqimore. Konsumatorët thirren të blejnë vetëm nga burime të besueshme.