Prokuroria Themelore Publike e Shkupit ngriti aktakuzë kundër tre personave të cilët si bashkëkryerës në fillim të marsit vodhën kabllo nga oborri i fabrikës "Zhelezhara" në Shkup.

Tre personat akuzohen për veprën penale vjedhje e rëndë, sipas nenit 236 paragrafi 4 në lidhje me paragrafin 1 të Kodit Penal.

Vjedhja ndodhi në ditët e para të marsit, kur të akuzuarit nga oborri i "Zhelezharës" vodhën lloje të ndryshme kablllosh, pronë e një firme nga Kavadarci, me vlerë totale prej 196.500 denarësh (rreth 3.200 euro).

Gjatë vjedhjes ata dëmtuan edhe një kabllo që ishte pjesë e instalimit elektrik publik, me vlerë prej 800.000 denarësh (rreth 13.000 euro).

Të akuzuarit u zbuluan dhe u arrestuan kur i ngarkuan kabllot në automobil dhe u përpoqën t'i nxirrnin nga oborri i fabrikës. Për njërin nga të akuzuarit është kërkuar vazhdimi i masës së paraburgimit, ndërsa për dy të tjerët janë në fuqi masa paraprake.

Kjo nuk është akuza e parë për vjedhje kablllosh nga oborri i "Zhelezharës".