Një ari i madh u vu re në parkingun e Rostushës, komuna e Mavrovës dhe Rostushës, ku lëvizte mes automjeteve të parkuara. Kafsha u tërhoq pasi qentë reaguan ndaj pranisë së saj.

Nuk u raportuan lëndime, por banorët bëjnë thirrje për kujdes të shtuar, veçanërisht në orët e mbrëmjes. Ky incident është pjesë e trendit që është prezent në rajon prej kohësh.

Sipas të dhënave nga viti 2023, në territorin e Parkut Kombëtar të Mavrovës ndodhen mes 160 dhe 180 arinj të murrmë, ndërsa autoritetet lokale paralajmërojnë se numri është rritur ndjeshëm në vitet e fundit. Ariu është lloj i mbrojtur në Maqedoni dhe kryesisht jeton në pyjet gjetherënëse dhe të përziera në pjesën perëndimore dhe jugperëndimore të vendit.

Në nëntor 2024 u mbajt takim i veçantë pune për rreziqet nga popullsia në rritje e arinjve në rajon, çka tregon se kjo është sfidë e vazhdueshme sigurie dhe ekologjike.