Ndërsa Bashkimi Evropian digjitalizohet me shpejtësi, Maqedonia mbetet dukshëm prapa. Sipas të dhënave më të reja të Eurostat, 71,9 përqind e qytetarëve të BE-së përdorin e-shërbime të institucioneve publike, ndërsa në Maqedoni kjo përqindje arrin vetëm 32,32 përqind.

Qytetarët maqedonas gjithnjë e më shumë i përdorin shërbimet e e-qeverisë, por ende janë shumë larg mesatares evropiane. Më shpesh kërkohen informacione për përfitime, ligje dhe orarin e punës së institucioneve.

Dallimi prej pothuajse 40 pikëve përqindjesh tregon se vendi ka rrugë të gjatë para vetes për të arritur nivelin evropian të digjitalizimit të shërbimeve publike.

Ekspertët tregojnë se shkaqet e mbetjes prapa janë shumështresore - nga infrastruktura e pamjaftueshme digjitale dhe shkrim-leximi i ulët digjital, deri te mungesa e shërbimeve elektronike plotësisht funksionale që do t'ua lehtësonin qytetarëve kontaktet me institucionet.