Shtatë persona u arrestuan gjatë fundjavës për dhunë familjare në disa qytete të Maqedonisë, në një seri incidentesh që alarmuan autoritetet.

Në Shkup u arrestuan tre persona. Në dy raste bëhet fjalë për përleshje fizike mes vjehrave dhe nuseve në lagjen Bit Pazar - 41-vjeçarja e sulmoi vjehrrën 66-vjeçare, ndërsa në rastin tjetër 66-vjeçarja e sulmoi nusen me objekt të fortë. Personi i tretë, 46-vjeçare, u arrestua për sulm ndaj vajzës 27-vjeçare.

Në Draçevë, 56-vjeçar u arrestua për sulm fizik ndaj bashkëshortes. Në Kavadarci, 48-vjeçari e sulmoi dhe i kërcënoi babait 74-vjeçar, ndërsa 40-vjeçari e sulmoi ish-bashkëshorten.

Në Strumicë, 27-vjeçar u arrestua për sulm ndaj bashkëshortes, ndërsa në Gostivar 30-vjeçare u privua nga liria pas ankesës së vjehrrës 73-vjeçare.

Për të gjitha rastet është njoftuar prokuroria kompetente dhe janë paraqitur kallëzime penale përkatëse.