Me rastin e Ditës së inxhinierëve maqedonas, ministrja e transportit dhe lidhjeve Bozhinovska theksoi se inxhinieria është themeli i shtetit, ndërsa kryetari i Institucionit të Inxhinierëve Andrej Lepavcov shprehu shqetësim serioz për zvogëlimin e numrit të inxhinierëve ndërtimor.

"Numri i inxhinierëve ndërtimor është zvogëluar në mënyrë alarmante dhe kjo do të ndihet në realizimin e projekteve kapitale", paralajmëroi Lepavcov. Ai theksoi se Maqedonia disponon me kuadër të shkëlqyer inxhinierik që aktualisht është plotësisht i angazhuar në projekte shtetërore, përfshirë ato me Bechtel dhe Enka.

Sfida kryesore është mbajtja e kuadrit. Kushtet e punës dhe kompensimi financiar janë faktorë kyçë që përcaktojnë nëse inxhinierët e rinj do të qëndrojnë apo do të emigrojnë. Ndërsa teknologjia informatike, makineritë dhe elektroteknika ruajnë regjistrim më të fortë, pranimi në inxhinierinë ndërtimore ka rënë ndjeshëm.

Lepavcov angazhohet për paga më të mira, mundësi për zhvillim profesional dhe njohje të ekspertizës inxhinierike për t'i inkurajuar profesionistët e talentuar të qëndrojnë në vend.