Dronë ukrainas ranë në territorin e Finlandës, çka shkaktoi reagim të ashpër nga kryeministri Peteri Orpo, i cili incidentin e përshkroi si "cenim të integritetit territorial dhe çështje jashtëzakonisht serioze".

Hetimi për origjinën e dronëve është në vazhdim, por autoritetet besojnë se bëhet fjalë për dronë ukrainas që kanë devijuar nga kursi. Ministri i mbrojtjes Anti Hakanen konfirmoi se mjetet pa pilot kanë depërtuar në hapësirën ajrore finlandeze.

Dy mjete pa pilot u detektuan mbi Finlandën juglindore në mëngjesin e së dielës. Njëra ra në veri të qytetit Kouvola, ndërsa tjetra në lindje. Aviancioni ushtarak finlandez urgjentisht ngriti gjuajtës F/A-18 Hornet për identifikimin e objekteve.

Ky është incidenti i fundit në serinë e ngjarjeve që prekin anëtarët baltikë të NATO-s. Estonia, Latvia dhe Lituania raportuan depërtime të ngjashme të dronëve më herët këtë javë. Ukraina në periudhën e fundit i intensifikoi sulmet me dronë ndaj rafinerive ruse dhe infrastrukturës energjetike, ndërsa negociatat e paqes janë në vend-numëro.