Besimtarët ortodoksë sot festojnë ditën e dytë të festës më të madhe të krishterë Pashkëve, e njohur edhe si e Hëna e Ndritshme.

Ringjallja e Krishtit u shpall mbrëmë në mesnatë në të gjitha kishat e Kishës Ortodokse Maqedonase. Shumë besimtarë vizituan kishat, ndezën qirinj dhe u lutën për shëndet të mirë, lumturi dhe mirëqenie.

Ringjallja e Krishtit konsiderohet festa më e madhe e krishterë, dita kur Jezu Krishti dëshmoi fuqinë e tij hyjnore dhe u ngrit nga të vdekurit. Kjo festë është bashkim i besimit dhe traditës, e ruajtur që nga kohërat e lashta.

Me të Hënën e Ndritshme të sotme fillon java e ndritshme. Festimi i Pashkëve zgjat tri ditë, kështu që sot vazhdon gostia e bollshme ku priten mysafirë, të afërm, fqinjë dhe miq.

Tek të krishterët kjo ditë duhet të jetë e mbushur me gëzim dhe bashkësi.