Franca, Italia dhe Polonia refuzuan t'i mbështesin operacionet ushtarake amerikane në Lindjen e Mesme, duke shkaktuar reagim të ashpër nga presidenti Trump i cili i quajti aleatët europianë "frikacakë".

Polonia refuzoi të dërgojë sisteme raketore Patriot në Lindjen e Mesme, Franca ndaloi fluturimin mbi hapësirën e saj ajrore për avionë ushtarakë amerikanë, ndërsa Italia nuk lejoi uljen e bombarduesve amerikanë në bazën ajrore në Siçili.

"Pa SHBA-të, NATO është tigër letre! Ata refuzuan të marrin pjesë në ndalimin e Iranit me armë bërthamore. Tani ankohen për çmimet e larta të naftës, por nuk do të ndihmojnë të hapet Hormuzi", shkroi Trump në Truth Social.

Presidenti u bëri thirrje vendeve europiane në mënyrë të pavarur ta marrin kontrollin mbi Ngushticën e Hormuzit, duke theksuar se Irani është "thelbësisht i shkatërruar" dhe se "pjesa më e vështirë ka përfunduar". Disa vende europiane, ndër to edhe Spanja, tashmë e mbyllën hapësirën e tyre ajrore për fluturime ushtarake amerikane.