Personeli i kabinës i kompanisë gjermane ajrore Lufthansa filloi grevën nga mesnata, me qindra fluturime të anuluara në të gjithë Gjermaninë gjatë festave të Pashkëve.

Rreth 20.000 stjuardesa dhe stjuardë u thirrën të ndërpresin punën. Kjo është greva e tretë e madhe në vitin 2026 në kompaninë më të madhe ajrore gjermane, pas dy raundeve të grevave të pilotëve.

Në aeroportin e Frankfurtit - qendrën kryesore të Lufthansës - rreth 75 përqind e 350 nishjeve të planifikuara u anuluan. Situatë e ngjashme mbizotëron edhe në aeroportet e Mynihut, Lajpcigut, Berlinit dhe Shtutgartit.

Edhe pse zyrtarisht janë prekur vetëm fluturimet brenda Gjermanisë, avionët që aktualisht ndodhen në destinacione të huaja nënkuptojnë se shumë fluturime kthyese gjatë periudhës së Pashkëve gjithashtu janë anuluar.

Sindikata UFO njoftoi se negociatat për kompensim me Lufthansën dhe filialin e saj CityLine kanë ngecur, dhe menaxhmenti refuzon të diskutojë për planet sociale. Lufthansa u rekomandon pasagjerëve të kontrollojnë statusin e fluturimeve para udhëtimit.