Në ditën e 22-të të konfliktit në Lindjen e Mesme, ministri iranian i Punëve të Jashtme Abas Aragçi porositi se Irani do të "shqyrtojë iniciativa të afta për ta përfunduar këtë luftë", duke theksuar se konflikti i ishte "imponuar" popullit.

"Jemi të gatshëm të dëgjojmë dhe të shqyrtojmë propozime të tilla", deklaroi Aragçi, por shtoi se Shtetet e Bashkuara të Amerikës "nuk duken të gatshme ta ndalojnë agresionin e tyre". Irani kërkon "paqe të plotë, gjithëpërfshirëse dhe të qëndrueshme", e jo vetëm armëpushim.

Nga ana tjetër, presidenti Trump njoftoi se administrata e tij "shqyrton zvogëlimin" e operacioneve ushtarake në rajon, duke pretenduar se janë "shumë afër arritjes së qëllimeve". Megjithatë, njëkohësisht u njoftuan dislokime shtesë detare në zonë.

Agjencia Ndërkombëtare e Energjisë paralajmëroi për "krizë energjetike globale të paprecedentë", duke rekomanduar konsumim të zvogëluar të karburantit përmes punës nga shtëpia dhe transportit publik.

Sulme me dronë ndaj objekteve amerikane në Irak, goditje ajrore nëpër qytete iraniane dhe humbje në radhët e udhëheqjes ushtarake iraniane e shënuan natën e kaluar të konfliktit që vazhdon të eskalojë.