Irani ka lëshuar një kërcënim dramatik duke deklaruar se do të sulmojoë impiantet e desalinizimit në vendet e Gjirit Persik nëse Shtetet e Bashkuara kryejnë sulme mbi centralet e tij elektrike.

Ky kërcënim vë në rrezik furnizimin me ujë të pijshëm për rreth 100 milionë njerëz në Arabia Saudite, Emiratet e Bashkuara Arabe, Katarin, Kuvajtin dhe Bahrejnin, vende që varen pothuajse tërësisht nga desalinizimi për ujin e tyre.

Ekspertët paralajmërojnë se shkatërrimi i impianteve të desalinizimit do të shkaktonte një katastrofë humanitare pa precedent, pasi këto vende nuk kanë burime alternative të ujit të ëmbël në sasira të mjaftueshme.

Ky përshkallëzim i retorikës tregon se konflikti po merr përmasa gjithnjë e më të rrezikshme, me pasoja të mundshme katastrofike për të gjithë rajonin.