Irani ka zgjedhur udhëheqësin e ri suprem, por njoftimi zyrtar publik ende pritet. Ahmad Alamolhoda, anëtar i Këshillit të Ekspertëve — organi kushtetues përgjegjës për zgjedhjen e autoritetit më të lartë fetar dhe politik në vend — konfirmoi se zgjedhja është bërë, por deklarata publike është shtyrë.

"Zgjedhja është bërë, por njoftimi zyrtar është ende për më vonë", deklaroi Alamolhoda. Përgjegjësia për informimin e publikut u mor nga Hossein Bushehri, sekretar i Këshillit të Ekspertëve. Identiteti i udhëheqësit të zgjedhur dhe afati kohor për njoftimin nuk janë të njohur ende.

Para marrëveshjes përfundimtare, procesi u shënua nga mosmarrëveshje. Anëtari i këshillit, Ajatolla Mohamamdmehdi Mirbaqeri, kishte deklaruar më parë se marrëveshja ishte "pothuajse arritur", por se disa "pengesa" ende duheshin kapërcyer. Mosmarrëveshja kryesore kishte të bënte me procedurën — nëse vendimi përfundimtar kërkon seancë fizike apo mund të merret edhe pa të.

Vdekja e udhëheqësit suprem Ali Khamenei ka shtuar shqetësimet gjeopolitike, dhe komuniteti ndërkombëtar po ndjek me interes zgjedhjen e pasardhësit të tij — figure që do të formësojë pozicionet e ardhshme të Iranit në konfliktin e vazhdueshëm me Izraelin dhe Shtetet e Bashkuara.