Irani konfirmoi se komandanti i marinës së Gardës Revolucionare humbi jetën në sulmet e fundit, ndërsa tensioni në Lindjen e Mesme vazhdon të përshkallëzohet në muajin e dytë të konfliktit.

Rafineria në Haifa, Izrael, pësoi dëmtime nga goditjet me projektile, ndërsa çmimet e naftës e tejkaluan pragun e 115 dollarëve për fuçi.

SHBA dërgojnë 3.500 ushtarë shtesë në rajon, me çka numri i përgjithshëm i ushtarëve amerikanë në Lindjen e Mesme arriti afërsisht 50.000. Rritja e kontingjentit ushtarak sinjalizon përgatitje për operacion të mundshëm afatgjatë.

Presidenti Trump shprehu synime të lidhura me burimet e naftës iraniane dhe objektiva të mundshme territoriale, ndërsa negociatat indirekte mes Uashingtonit dhe Teheranit vazhdojnë nëpërmjet ndërmjetësve pakistanezë.