Policia gjatë kontrollit në fshatin Erxhelija, në rajonin e Sveti Nikoles, gjeti marihuanë, substancë të bardhë copëzore dhe një peshore digjitale tek një banor 25-vjeçar i fshatit.

Aksioni u krye më 8 prill nga oficerët e policisë së Drejtorisë Rajonale të Policisë së Sveti Nikoles, në bazë të urdhrit gjyqësor për kontroll. Gjatë kontrollit të shtëpisë dhe objekteve ndihmëse të të dyshuarit A.T., u gjetën disa lloje substancash narkotike.

"Kundër tij do të paraqitet padi penale përkatëse", njoftoi Ministria e Punëve të Brendshme. I dyshuari u dërgua në stacionin policor për procedurë të mëtejshme.

Në një aksion të veçantë në Shtip, policia arrestoi edhe një shtetas turk tek i cili u gjet drogë dhe dokument udhëtimi i huaj. Të dy rastet janë pjesë e aktiviteteve të intensifikuara policore për luftimin e trafikut të drogës në pjesën lindore të vendit.