Kraftwerk, grupi legjendar gjerman i muzikës elektronike që ndryshoi historinë e muzikës, vjen në Stadiumin ARM në Shkup më 25 korrik.

Themeluar në 1970 në Dyseldorf, Kraftwerk konsiderohen pionierë të muzikës elektronike dhe një nga grupet më të rëndësishme të shekullit të 20-të. Ndikimi i tyre shtrihet nga synth-pop dhe techno deri te hip-hop dhe EDM. Albumet "Autobahn", "Trans-Europe Express" dhe "The Man-Machine" janë shtylla të muzikës moderne.

Koncerti shpallet si „një përvojë unike audiovizuale dhe një mbrëmje e mbushur me historinë e muzikës elektronike". Dyert hapen në orën 20:00, koncerti fillon në 22:00.

Biletat janë nga 1.990 deri 2.990 denarë në karti.com.mk.