Kriza e karburantit po thellohet në Evropën Juglindore, me Slloveninë që ka nisur tashmë racionimin e derivateve dhe Maqedoninë e Veriut që ka thirrur seancë emergjente të qeverisë.

Sllovenia, e cila varet kryesisht nga importet për nevojat e saj energjetike, ka zbatuar kufizime strikte në sasinë e karburantit që mund të blihet. Qytetarët mund të blejnë vetëm 50 litra në ditë.

Në Maqedoninë e Veriut, qeveria ka thirrur seancë emergjente për të diskutuar masat që duhen marrë për të parandaluar mungesën e karburantit. Çmimet tashmë kanë shënuar rritje të ndjeshme dhe radhë të gjata janë formuar në pompa benzine.

Ekspertët paralajmërojnë se situata mund të përkeqësohet ndjeshëm nëse konflikti në Lindjen e Mesme vazhdon, pasi rajoni varet në masë të madhe nga nafta që transportohet nëpër ngushticën e Hormuzit.