Lufta me Iranin e rriti inflacionin vjetor në 2,5 përqind në mars në eurozonë, tregojnë të dhënat paraprake të Eurostatit, krahasuar me 1,9 përqind në shkurt.

Rritja e mprehtë e çmimeve të energjisë për shkak të konfliktit është shtytësi kryesor i inflacionit. Çmimet mujore u rritën për 1,2 përqind. Banka Qendrore Europiane synon inflacion vjetor prej 2 përqind në afat të mesëm.

Analistët presin se inflacioni mund të tejkalojë 3 përqind deri në maj, pasi kostot më të larta të energjisë me gjasë do të përhapen edhe në produkte të tjera, duke ngritur potencialisht edhe inflacionin bazë. BQE mund ta rrisë normën bazë të interesit deri në prill ose qershor.

Ekonomisti kryesor i Commerzbank vlerësoi se "rritja e mprehtë e çmimeve të energjisë e katapultoi inflacionin lart në mars", duke sinjalizuar sfida të reja për ekonominë europiane në kushtet e konfliktit të zgjatur në Lindjen e Mesme.