Një shtetas maqedonas u arrestua në Greqi pasi u kap duke drejtuar motoçikletën me shpejtësi prej 223 kilometra në orë në një vend ku kufizimi është 110 kilometra në orë.

Maqedonasi 49-vjeçar u ndal në autostradën Selanik-Evzoni, në rrugën drejt pikës kufitare me Maqedoninë për dalje nga Greqia, ku drejtonte me shpejtësi afërsisht dyfish të lejuar.

Televizioni shtetëror ERT njoftoi se personit të arrestuar i janë marrë patenta e shoferit dhe targat e regjistrimit, ka marrë gjobë prej 700 eurosh dhe do të paraqitet të njëjtën ditë para prokurorit publik.

Drejtoria rajonale e policisë e Maqedonisë qendrore (Greqi) publikoi fotografi në rrjetet sociale ku shihet matja me radar me shpejtësinë e regjistruar dhe motoçikleta e personit të arrestuar.