Ministri i Shëndetësisë Azir Aliu në simpoziumin profesional për mbipeshën paralajmëroi se 30 deri 35 përqind e popullatës në Maqedoni vuan nga mbipesha, e cila është e lidhur me mbi 200 sëmundje.

"Mbipesha është sëmundje serioze kronike e lidhur me mbi 200 komorbiditete - çelësi në përballjen me të është përgjigja multisektoriale", deklaroi Aliu, duke theksuar lidhjen me sëmundjet kardiovaskulare dhe diabetin e tipit 2.

Ministria e Shëndetësisë vazhdon me mbështetjen e programeve për diabetin, duke siguruar insulinë, glukagon, gjilpëra dhe shirta për matjen e sheqerit, me fokus të veçantë në edukimin dhe kontrollin e sëmundjes.

Në Ohër kohëve të fundit u hap qendra e parë rajonale për menaxhimin e mbipeshës në pjesën jugperëndimore të vendit, gjë që paraqet hap të rëndësishëm në luftën kundër kësaj krize shëndetësore.