Ministrat e energjisë së Bashkimit Evropian nesër do të mbajnë mbledhje urgjente për të shqyrtuar mundësitë për qasje të koordinuar në kontekstin e ngjarjeve në Lindjen e Mesme.

Sipas njoftimit të Këshillit të BE-së, mbledhja ka për qëllim të shqyrtojë efektet e konfliktit në Lindjen e Mesme ndaj tregut energjetik evropian dhe të përcaktojë masa të mundshme të përbashkëta për stabilizimin e çmimeve.

Megjithatë, burime pranë institucioneve tregojnë se në këtë mbledhje nuk pritet të miratohen vendime konkrete, por ajo do të shërbejë për shkëmbimin e informatave dhe koordinimin e pozicioneve.

Mbledhja vjen në momentin kur çmimet e naftës dhe gazit shënojnë rritje të shpejtë për shkak të përshkallëzimit të konfliktit me Iranin dhe frikës nga ndërprerja e furnizimit nëpër Ngushticën e Hormuzit.