Kryeministri Hristijan Mickoski sot qëndron në vizitë politiko-ekonomike në Budapest, ku pika kyçe është takimi kokë më kokë me kryeministrin hungarez Viktor Orban.

Në rend dite janë çështjet aktuale rajonale dhe evropiane, si dhe avancimi i marrëdhënieve bilaterale mes dy vendeve. Mickoski shoqërohet nga delegacion qeveritar gjashtëanëtarësh i nivelit të lartë.

"Biseda do t'i adresojë sfidat aktuale rajonale dhe mbështetjen konkrete që Hungaria e jep për rrugën evropiane të Maqedonisë. Qëllimi është thellimi i partneritetit me rëndësi strategjike për shtetin", njofton delegacioni qeveritar.

Vizita vjen në momentin kur Maqedonia dhe Hungaria e intensifikojnë bashkëpunimin në disa nivele, ndërsa Orban konsiderohet si një nga mbështetësit më të zëshëm të Maqedonisë në procesin e integrimit evropian.