Deklarata e presidentit amerikan Donald Trump për përparim diplomatik me Iranin i qetësoi tregjet financiare globale, ku çmimi i naftës shënoi rënie të ndjeshme, ndërsa berzat në mbarë botën u rritën.

Publikimi i "New York Times" për propozimin amerikan me 15 pika drejtuar Iranit e shtyu më tej optimizmin mes investitorëve. Berzat amerikane shënuan rritje, ndërsa çmimi i naftës së papërpunuar ra.

Megjithatë, ekspertët paralajmërojnë se bastet në platformat e parashikimit tregojnë shenja informacionesh të brendshme. Një shumë e madhe parash u vendos në baste për armëpushim përafërsisht 15 minuta para deklaratës së Trump, gjë që ngre pyetje për rrjedhje të mundshme informacionesh nga rrethet qeveritare.

Analistët mbeten të kujdesshëm, duke theksuar se tregu i naftës mund të stabilizohet në katër javët e ardhshme nëse përpjekjet diplomatike tregojnë përparim real. Megjithatë, çdo përshkallëzim i ri mund t'i kthejë shpejt trendet pozitive.