Kryeministri i Izraelit, Benjamin Netanyahu, ka dalë në një deklaratë publike duke e përshkruar natën e kaluar si një nga më të vështirat në historinë e vendit.

Mbi 180 persona u plagosën gjatë sulmit masiv iranian me raketa, i cili goditi disa qytete izraelite. Shërbimet e emergjencës punuan pa pushim gjatë gjithë natës për të trajtuar të plagosurit.

Netanyahu premtoi përgjigje të fortë duke thënë se Izraeli nuk do ta lërë pa përgjigje këtë sulm. Ai thirri mbledhje emergjente të kabinetit të sigurisë për të vendosur hapat e ardhshëm.

Komuniteti ndërkombëtar ka bërë thirrje për ulje të tensioneve, por situata vazhdon të jetë jashtëzakonisht e tensionuar, me frikë për një përshkallëzim edhe më të madh të konfliktit.