Zëvendëskryeministri dhe ministri i transportit Aleksandar Nikoloski deklaroi se problemi me Bullgarinë mund të zgjidhet brenda një pasdite, nëse disa shtete kyçe anëtare të BE-së vendosin se duan zgjerim.

"Nëse ka vullnet politik, çështja me Bullgarinë mund të zgjidhet brenda një pasdite", theksoi Nikoloski, duke shtuar se sfida e vërtetë nuk është Sofia, por mungesa e vendimmarrjes së qartë ndërmjet qendrave kryesore evropiane për të ardhmen e zgjerimit të BE-së.

Sa i përket ndryshimeve kushtetuese, qeveria mban qëndrimin se nevojiten garanci të qarta dhe parashikueshmëri e procesit të eurointegrimit para se të kalohet në ndryshime.

Nikoloski konfirmoi se Maqedonia po zbaton reformat e nevojshme në kuadër të Planit për Rritje, duke e pozicionuar vendin para konkurrentëve rajonalë. Ai theksoi se Maqedonia ndjek një politikë dinjitoze për hyrjen në BE pa poshtëruar kombin.