Një 17-vjeçar nga Peskara u arrestua në Peruxha, në rajonin italian të Umbrisë, për planifikim të pretenduar të masakrës në shkollë. Shtatë të mitur janë nën masa hetuese të policisë.

I dyshuari ballafaqohet me akuza për propagandë dhe nxitje të veprave penale të bazuara në diskriminim racor, etnik dhe fetar, së bashku me planifikimin e sulmit të frymëzuar nga masakra në shkollën Columbine në vitin 1999 në Kolorado, ku humbën jetën 12 nxënës dhe një mësues.

Hetuesit gjetën doracakë me udhëzime të detajuara për prodhimin e armëve, instruksione për substanca të rrezikshme kimike dhe biologjike dhe udhëzues sabotazhi. Policia zbuloi edhe lidhjen e të miturve me grup neonazist në Telegram që promovonte supremacinë e bardhë dhe glorifikonte vrasësit masivë Brenton Tarrant dhe Anders Breiviku.

Adoleshenti i arrestuar është vendosur në paraburgim për të mitur me urdhër të gjykatësit. Rasti shkaktoi vëmendje për shkak të ngjashmërive me sulmet e mëparshme në shkolla në Europë dhe botë.