Polonia refuzoi të dërgojë një sistem raketor Patriot në Lindjen e Mesme me kërkesë të Uashingtonit, i cili dëshironte zhvendosjen e baterisë së bashku me raketat PAC-3 MSE që tashmë janë në pronësi polake.

Ministri polak i Mbrojtjes Vlladisllav Kosinjak-Kamish deklaroi: "Bateritë tona Patriot dhe armatimi shërbejnë për mbrojtjen e hapësirës ajrore polake dhe krahut lindor të NATO-s. Asgjë nuk ndryshon në këtë çështje dhe nuk planifikojmë t'i zhvendosim askund."

Zëvendës-ministri Cezari Tomçik shtoi se sistemet polake Patriot qëndrojnë në Poloni me mision mbrojtjen e vendit dhe krahut lindor të NATO-s. Shefi i kancelarisë presidenciale Zbignjev Bogucki theksoi se Polonia i përmbush detyrimet ndaj NATO-s si shtet kufitar lindor, duke theksuar barrën e konsiderueshme të armatimit dhe situatën kufitare me Bjellorusinë.

Pasi SHBA-të dhe Izraeli nisën sulme ajrore mbi Iranin më 28 shkurt, Irani e bllokoi Ngushticën strategjike të Hormuzit nëpër të cilën normalisht kalojnë rreth 20 përqind e naftës globale dhe 30 përqind e gazit të lëngshëm. Trump u bëri apel aleatëve për mbështetje detare, por shumica e vendeve europiane u përgjigjën me skepticizëm.