MPB njoftoi regjim të veçantë të trafikut në Shkup nesër, 22 mars, për shkak të mbajtjes së garës atletike rrugore në bulevardin "Jane Sandanski".

Nga ora 07:30 deri në 11:30 do të mbyllen pjesë të bulevardit "Jane Sandanski", rrugës "Vasko Karangelevski" dhe bulevardit "ASNOM". Pjesëmarrësit në garë do të lëvizin nëpër këto rrugë, ndërsa policia do ta drejtojë në mënyrë aktive trafikun në drejtime alternative.

Autoritetet u bëjnë thirrje qytetarëve të respektojnë urdhërat e policisë së trafikut në rrugët ku mbahet manifestimi dhe të planifikojnë itinerare alternative për udhëtimet e tyre.

Shoferët që zakonisht i përdorin këto drejtime duhet të parashikojnë kohë shtesë ose t'i shmangin zonat e prekura gjatë periudhës së caktuar kohore.