Serbët janë thellësisht të ndarë rreth anëtarësimit në Bashkimin Evropian, tregon anketa e Qendrës për Politika Evropiane (QEP) e kryer me 1.000 të anketuar nga 19 janari deri më 2 shkurt.

Vetëm 39,8 përqind e mbështesin anëtarësimin në BE, 33,8 përqind janë kundër, ndërsa 26,4 përqind janë të pavendosur. Në një referendum eventuale, 41,6 përqind do të votonin "po", ndërsa 32,4 përqind "jo".

Besimi është i ulët - 41,6 përqind mendojnë se BE-ja i prioritizon interesat e veta politike dhe ekonomike në vend të demokracisë, ndërsa 41,8 përqind besojnë se Bashkimi e dëshiron Serbinë për litiumin dhe burimet natyrore. Madje 43,9 përqind mendojnë se BE-ja kujdeset më shumë për sanksionet ndaj Rusisë sesa për demokracinë serbe.

Vetëm 6,9 përqind besojnë se Serbia do të hyjë në BE para vitit 2030, ndërsa 23,9 përqind mendojnë se kjo nuk do të ndodhë kurrë. Mbështetjen më të madhe e tregojnë të rinjtë 18-29 vjeç, ndërsa më të ulëtën personat mbi 60 vjeç. Një e dhënë e rëndësishme është se më shumë se katër vjet nuk është hapur asnjë kapitull i ri negociues.