Administrata e Trump përkohësisht i pezulloi sanksionet për një pjesë të naftës së papërpunuar iraniane, në përpjekje për të zbutur ndikimin e konfliktit mbi tregjet globale të energjisë.

Sekretari amerikan i Financave Scott Bessent njoftoi se heqja e përkohshme e sanksioneve do të mundësojë 140 milionë fuçi nafte që momentalisht janë të bllokuara në det të hyjnë në tregjet globale.

"Në thelb, do ta përdorim naftën iraniane kundër Teheranit për t'i mbajtur çmimet e ulëta derisa i vazhdojmë operacionet", shpjegoi Bessent në rrjetin social X.

Nga ana tjetër, Teherani i demantoi pretendimet e Uashingtonit, duke thënë se nuk kanë rezerva nafte në ujëra ndërkombëtare dhe se bëhet fjalë për "trik psikologjik". Bessent theksoi se Irani do të ketë vështirësi të ketë përfitim financiar nga shitja, pasi vendimi vlen vetëm për sasi rreptësisht të kufizuara tashmë në tranzit.

Çmimet e naftës u rritën në mënyrë drastike që nga fillimi i konfliktit. Nafta e papërpunuar Brent momentalisht tregtohet rreth 112 dollarë për fuçi, që paraqet rritje prej 53% krahasuar me vitin e kaluar.