Punonjës policorë të SVR Shkup ndaluan një mësues 52-vjeçar të punësuar në një shkollë të mesme në Komunën e Qendrës. Ai dyshohet se ka ngacmuar seksualisht një nxënëse 18-vjeçare dhe i ka kërkuar asaj të ketë marrëdhënie seksuale me të, ndërmjet 25 shkurtit dhe 2 marsit 2026.

Pas hetimit dhe dokumentimit të plotë të rastit, do të ndiqen kallëzimet penale përkatëse, njoftoi MPB. Ndaj të dyshuarit po merren masa paraprake.

Burime mediatike raportuan më vonë se i dyshuari është mësues në Shkollën e Mesme të Arteve "Lazar Liqenoski" në Shkup. Ministria e Punëve të Brendshme nuk i konfirmoi zyrtarisht këto informacione, por deklaroi se kundër autorit do të parashtrohet kallëzim penal përkatës.