Në moshën 28-vjeçare ndërroi jetë Kiril Slezenkovski, anëtar i Komitetit Qendror të partisë Levica dhe këshilltar në Këshillin e Komunës së Ilindenit.

"Me pikëllim të thellë e morëm lajmin se ndërroi jetë shoku dhe bashkëpartiaku ynë Kiril Slezenkovski", njoftuan nga Levica, duke e përshkruar si "vetë-iniciativ, përgjegjës dhe të gatshëm të merret me zgjidhjen e problemeve".

Nga partia theksojnë se Slezenkovski e kuptonte politikën si përgjegjësi ndaj qytetarëve, dhe jo si përfitim personal. "Pa detyrim dhe pa qëllime të fshehta u ndihmonte njerëzve", thuhet në njoftimin.

Vdekja e tij e parakohshme paraqet humbje të madhe për skenën politike lokale në Ilinden dhe për partinë Levica, e cila humbi një nga anëtarët e saj më aktivë të rinj.