Ministrja sllovene e punëve të jashtme Tanja Fajon deklaroi se ligji izraelit për dënimin me vdekje paraqet "formë të qartë diskriminimi" kundër palestinezëve.

Fajon theksoi se të gjithë individët duhet të përgjigjen njëjtë për vepra terroriste, por se dënimi me vdekje nuk është zgjidhje e përshtatshme. "Siguria nuk mund të ndërtohet mbi diskriminim, ndërsa drejtësia nuk mund të ekzistojë pa trajtim të drejtë", theksoi ajo.

Kneseti izraelit e miratoi ligjin kontravers përmes leximit të dytë dhe të tretë me 62 vota për dhe 48 kundër, plus një abstenim. Ligji parashikon dënim me vdekje për të burgosur palestinezë të dënuar për vepra terroriste, ndërsa akuza të njëjta në Izrael dënohen me burgim. Kryeministri Benjamin Netanyahu votoi për miratimin e masës.

Sllovenia është ndër vendet e rralla europiane që hapur e kritikuan këtë hap, duke e vlerësuar si diskriminues dhe në kundërshtim me standardet ndërkombëtare për të drejtat e njeriut.