Kryetari i komunës së Banja Lukës, Drashko Stanivukoviq, u lirua nga paraburgimi kroat pasi kaloi më shumë se 15 orë në stacionin policor të pikës kufitare Stara Gradishka.

Stanivukoviq u arrestua gjatë kthimit nga Budapesti vonë mbrëmë, pasi refuzoi të lejonte kontrollin e automjetit. Menjëherë pas lirimit, ai ndau përvojën e tij në rrjetet sociale.

"Pas kësaj pervoje të fundit në Kroaci, bëj një pyetje të thjeshtë: a është kjo pikë kufitare mes shteteve apo hyrje në një epokë tjetër ku rregullat europiane nuk vlejnë më?", shkroi Stanivukoviq. Ai përshkroi kontrolle të përsëritura, inspektime me qen dhe ndalime të vazhdueshme - katërmbëdhjetë incidente për dy muaj - pa gjetur asgjë të paligjshme.

Kryetari i komunës e cilësoi trajtimin si maltretim sistematik dhe abuzim të kompetencave, duke theksuar se nuk kërkon privilegje, por "liri lëvizjeje, dinjitet dhe trajtim të barabartë juridik".

Stanivukoviq e lidhi ngacmimin me vizitën e tij të fundit tek Serbët në Lika dhe Dalmaci, gjatë së cilës kishte avokuar për bashkëjetesë dinjitoze mes komuniteteve.