Presidenti Donald Trump deklaroi se Shtetet e Bashkuara do të bashkëpunojnë ngushtë me Iranin, duke zbuluar se tashmë po zhvillohen negociata për lehtësimin e tarifave dhe sanksioneve. Deklarata erdhi pak pas konfirmimit të mediave iraniane se armëpushimi ishte shkelur me sulm të ri mbi territorin iranian.

"Shtetet e Bashkuara do të bashkëpunojnë ngushtë me Iranin, për të cilin kemi konstatuar se ka pësuar ndryshim shumë produktiv të regjimit", deklaroi Trump në adresim të papritur.

Trump theksoi se Iranit nuk do t'i lejohet të pasurrojë uranium, ndërsa Uashingtoni do të punojë së bashku me Teheranin në gërmimin dhe heqjen e të gjitha mbetjeve të kapaciteteve bërthamore të gërmuara thellë. "Gjithçka është nën mbikëqyrje satelitore shumë precize", shtoi presidenti amerikan.

Vëmendje të veçantë tërhoqi deklarata e tij se po zhvillohen negociata për lehtësimin e tarifave dhe sanksioneve, ku "pjesa më e madhe e 15 pikave tashmë janë dakorduar".

Ky zhvillim i ngjarjeve përfaqëson kthesë të rëndësishme në marrëdhëniet amerikano-iraniane, i njoftuar mes raportimeve për shkelje të armëpushimit dhe sulme mbi infrastrukturën energjetike iraniane.