Presidenti amerikan Donald Trump u porositi aleatëve europianë se do të duhet vetë të luftojnë, pasi Amerika nuk do t'u ndihmojë në sigurimin e Ngushticës së Hormuzit.

"Të gjitha ato vende që nuk mund të arrijnë karburantin e avionëve për shkak të Ngushticës së Hormuzit, si Mbretëria e Bashkuar që refuzoi të marrë pjesë në shembjen e regjimit iranian, kam propozim: së pari, blini nga SHBA, kemi mjaftueshëm, dhe së dyti, mblidhni pak guxim, shkoni te Ngushtica e Hormuzit dhe thjesht merreni", shkroi Trump në Truth Social.

Ai theksoi se Irani është "thelbësisht i shkatërruar" dhe se "pjesa më e vështirë ka përfunduar", duke u bërë thirrje europianëve të mësojnë si vetë të luftojnë. Konflikti mes SHBA-ve, Izraelit dhe Iranit filloi kah fundi i shkurtit me sulme mbi objektiva ushtarake dhe bërthamore, pas çka Irani u kundërpërgjigj me raketa dhe e bllokoi ngushticën kritike për furnizimin global me naftë.