Presidenti amerikan Donald Trump deklaroi se Irani ka pranuar që kurrë të mos posedojë armë bërthamore, duke thënë se Uashingtoni ka vendosur kushte të qarta gjatë negociatave.

"Së pari, së dyti dhe së treti - ata nuk mund të kenë armë bërthamore", deklaroi Trump, duke theksuar se ky është kushti themelor i palës amerikane.

Trump shtoi se bisedimet aktive diplomatike janë në vazhdim, edhe pse situata në udhëheqjen politike iraniane mbetet e paqartë. "Të gjithë liderët janë larguar. Askush nuk di me kë të bisedojë. Por ne në fakt negociojmë me njerëzit e vërtetë dhe ata vërtet dëshirojnë të arrijnë marrëveshje", deklaroi presidenti amerikan.

Nëse konfirmohet, kjo deklaratë mund të ketë rëndësi të madhe për dinamikën e sigurisë në Lindjen e Mesme dhe tregjet globale energjetike, të cilat janë nën presion të fortë nga konfliktet rajonale.