Presidenti amerikan Donald Trump gjatë forumit të investimeve në Majami deklaroi se "Kuba është e rradhës", duke shtuar: "Por bëni sikur nuk e kam thënë këtë".

Trump theksoi sukseset e fundit ushtarake në Venezuelë dhe operacionet kundër Iranit, duke sugjeruar se Kuba mund të bëhet objektivi i ardhshëm i operacioneve ushtarake amerikane.

Konteksti është domethënës - Venezuela kohëve të fundit ndërpreu furnizimet me naftë drejt Kubës nën presionin amerikan, pas operacioneve të janarit që e larguan liderin venezuelian Nikolas Maduro. Rrjeti elektrik kuban dhe sistemi i transportit varen në masë të madhe nga nafta e importuar, gjë që e bën ishullin të cenueshëm.

Presidenti kuban Migel Diaz-Kanel konfirmoi se po zhvillohen negociata me SHBA-në për parandalimin e një konflikti të mundshëm ushtarak. Trump më parë sugjeroi një "marrje miqësore" të mundshme, por më vonë theksoi se një veprim i tillë ndoshta nuk do të mbetej miqësor.