Presidenti Donald Trump deklaroi se nuk ka problem nëse ndonjë shtet dëshiron të dërgojë naftë në Kubë, efektivisht duke lejuar dërgesat ruse të naftës drejt shtetit ishullor që përballet me krizë të rëndë energjetike.

"Nëse ndonjë shtet dëshiron të dërgojë naftë në Kubë, nuk kam problem me këtë", tha Trump, në një hap që paraqet largim të konsiderueshëm nga politika tradicionale amerikane e presionit ndaj Kubës.

Tankeri rus me naftë tashmë ka arritur pranë Kubës - importi i parë pas dy muajsh. Kubanezët me muaj përballen me krizë të rëndë energjetike, me ndërprerje të shpeshta dhe të gjata të energjisë elektrike që e paralizojnë jetën e përditshme.

Hapi i Trump interpretohet si pjesë e strategjisë më të gjerë për balancimin e marrëdhënieve me Rusinë, në momentin kur Uashingtoni është i fokusuar në konfliktin me Iranin në Lindjen e Mesme.