Presidenti amerikan Donald Trump deklaroi se dëshiron ta "marrë naftën e Iranit" dhe sugjeronte se forcat amerikane mund ta zënë ishullin Kharg, qendrën e eksportit iranian të naftës.

"Sinqerisht, më shumë do të doja ta merrja naftën e Iranit, por disa njerëz të marrë në SHBA thonë: pse e bën këtë? Por ata janë njerëz të marrë", deklaroi Trump në intervistën për Financial Times.

Trump sinjalizonte se zënia e ishullit është opsion i mundshëm. "Ndoshta do ta zëmë Khargun, e ndoshta jo. Kemi shumë opsione", tha ai, duke shtuar se kjo do të nënkuptonte prezencë afatgjatë ushtarake amerikane.

Kur u pyet për forcat mbrojtëse iraniane në ishull, Trump shprehu bindjen se "ata nuk kanë asnjë mbrojtje". "Do ta zënim shumë lehtë", deklaroi presidenti.

Ishulli Kharg ndodhet rreth 500 kilometra në veriperëndim të Ngushticës së Hormuzit dhe e strehon terminalin më të madh të naftës së Iranit, nëpër të cilin Teherani eksporton rreth 90 përqind të naftës së tij. Në mesin e marsit, forcat amerikane kryen operacion të madh në Kharg, duke goditur mbi 90 objektiva ushtarake iraniane.