Presidenti amerikan Donald Trump njoftoi vendosjen e tarifave sekondare prej 50 përqind për të gjitha vendet që e furnizojnë Iranin me armë ushtarake. Masa hyn në fuqi menjëherë dhe vlen për të gjitha produktet që ato vende i eksportojnë drejt Shteteve të Bashkuara.

"Çdo vend që furnizon Iranin me armë menjëherë do të tarifiohet me 50 përqind për të gjitha mallrat që i shet SHBA-së, pa përjashtim", deklaroi Trump.

Analistët konsiderojnë se Rusia dhe Kina janë më të cenueshmet nga kjo masë, duke pasur parasysh zinxhirët e tyre të ndërlikuar të furnizimit dhe format e ndryshme të bashkëpunimit me Teheranin. Tarifat sekondare mund seriozisht t'i prishin rrjedhat tregtare globale.

Vendimi vjen njëkohësisht me armëpushimin dyjavor me Iranin dhe mes tensioneve tregtare në rritje që tashmë ushtrojnë presion mbi tregjet globale. Paqëndrueshmëria e Lindjes së Mesme, rritja e çmimeve të energjisë dhe pasiguria më e gjerë gjeopolitike e ndërlikojnë më tej peizazhin.

Administrata njëkohësisht përpunon kërkesa prej mbi 160 miliardë dollarësh për tarifa të ngarkyara gabimisht nga mbi 25,000 kompani, gjë që tregon sfida sistematike në zbatimin e politikës tregtare.