Incident i pakëndshëm në Kopshtin Zoologjik në Shkup - vizitorët vodhën gjysmën e dhuratave të destinuara për ditëlindjen e parë të majmunit Miki, gibon që u bë i dashur për shkupjanët.

"Bëmë ditëlindje për Mikin, gjysmën e dhuratave ia vodhën mysafirët", ndau Vojo Ivanov, punonjës në Kopshtin Zoologjik. Manifestimi ishte organizuar me qëllim të mirë për të shënuar vitin e parë të jetës së gibonit të vogël.

Rasti shkaktoi reagime të fuqishme në rrjetet sociale, ku qytetarët shprehën zhgënjimin nga sjellja e disa vizitorëve. Kopshti Zoologjik nuk njoftoi nëse do të marrë masa shtesë për mbrojtjen e dhuratave dhe rekuizitave në manifestimet e ardhshme.

Miki është një nga banorët më të njohur të Kopshtit Zoologjik dhe rregullisht tërheq numër të madh vizitorësh, veçanërisht familje me fëmijë.