Vrasja në Ohër që tronditi opinionin mori një dimension të ri pasi u zbulua se i dyshuari Zharko Grozdanoski nga Brvenica është lider i grupit "Vëllazëria e Krishterë" dhe se motivi lidhet me kontratën për mbajtje jetësore me vlerë rreth një milion euro.

Grozdanoski dyshohet për vrasjen e 76-vjeçarit nga Ohri, Klime Mitreski, i cili sipas informatave ka dashur ta anulojë kontratën për mbajtje jetësore me të dyshuarin.

Avokati Janaki Mitrovski deklaroi se "Maqedonia për fat të keq është plot me besimtarë të rremë, deklarativë", duke theksuar se feja shpesh keqpërdoret për shënim territorial dhe përçarje në vend që të jetohet sipas parimeve fetare.

Organizata "Vëllazëria e Krishterë" doli me mbështetje për të dyshuarin, ndërsa opinioni kujtoi se i njëjti para shtatë vitesh i kishte kërcënuar kryeministrit të atëhershëm. Për vrasje nga lakmia parashihet dënimi me burgim të përjetshëm.