Policia e sqaroi vrasjen në Ohër në të cilën humbi jetën pensionisti 76-vjeçar me inicialet K.M. nga rruga "Nada Fileva". I dyshuari, burrë 53-vjeçar me inicialet Zh.G. nga fshati Brvenicë, Tetovë, u arrestua disa orë pas krimit.

Pas lëshimit të fletëarrestit nga Sektori i Punëve të Brendshme (SPB) Ohër, i dyshuari u lokalizua dhe u privua nga liria në Brvenicë. Ai dyshohet për veprën penale "vrasje".

Trupi i viktimës është dërguar për autopsi. Sipas policisë, "pas sqarimit të plotë të rastit do të paraqitet kallëzim përkatës penal" kundër të dyshuarit.

Sipas informacioneve nga disa burime, i dyshuari është mjek nga KARIL (Klinika e Anesteziologjisë, Reanimacionit dhe Trajtimit Intensiv), gjë që e ka tronditur opinionin edhe më shumë.