Drejtoresha e Zbulimit Kombëtar Amerikan, Tulsi Gabard, deklaroi para Kongresit se Rusia ka ruajtur përparësitë strategjike në konfliktin me Ukrainën dhe nuk tregon shenja se do të heqë dorë nga qëllimet e saj.

Sipas vlerësimit të saj, Moska do të vazhdojë të zhvillojë një luftë të zgjatur konsumimi derisa të arrijë qëllimet e saj ushtarake dhe politike. "Rusia gjatë vitit 2025 e ruajti përparësinë në luftën kundër Ukrainës", deklaroi Gabard.

Shërbimet zbulore amerikane vlerësojnë se kapacitetet ushtarake ruse në fakt janë forcuar që nga fillimi i konfliktit. Gabard theksoi se Rusia disponon me sisteme të avancuara armësh, përfshirë teknologji hapësinore, raketa hipersonike dhe platforma nëndetësesh të destinuara për neutralizimin e dominimit ushtarak amerikan.

Ky vlerësim vjen në një moment kur përpjekjet diplomatike për përfundimin e konfliktit mbeten pa rezultate konkrete, ndërsa Moska tregon qartë se nuk ka ndërmend të lëshojë pe.