Kremlini iu përgjigj ftohtë propozimit të Ukrainës për "armëpushim energjetik" gjatë festave të Pashkës, duke deklaruar se nuk kanë parë propozim të detajuar për ndërprerje të zjarrit dhe duke u angazhuar për marrëveshje gjithëpërfshirëse paqeje.

Presidenti Volodimir Zelenski paraprakisht deklaroi se aleatët ukrainas "kanë sinjalizuar" mundësinë e zvogëlimit të sulmeve me rreze të gjatë mbi sektorin rus të naftës për shkak të çmimeve në rritje globale të energjisë. Zelenski tha se Ukraina është e gatshme ta bëjë këtë nëse Rusia pushon së sulmuari infrastrukturën energjetike ukrainase.

Zëdhënësi i Kremlinit Dmitri Peskov ishte i qartë: "Në deklaratat e Zelenskit që i lexuam, nuk pamë iniciativë qartë të formuluar për armëpushim të Pashkës." Ai shtoi se Zelenski duhet të marrë përgjegjësinë dhe të marrë vendime të duhura për arritjen e paqes, e jo vetëm armëpushimit.

Peskov paralajmëroi se çmimi i paqes për Kievin do të rritet sa më gjatë Zelenski vonon, duke dhënë të kuptojë se Moska nuk është e interesuar për zgjidhje të përkohshme por kërkon dorëzim të plotë të pozicioneve ukrainase.