Më 5 tetor pasdite filloi shembja e një pjese të tezgave në Bit-Pazar. Shkupjanët në rrjetet sociale tashmë komentojnë se „tezgat e Bit-Pazarit po hyjnë në histori“, ndërsa pamja e njërit prej tregjeve më të vjetra dhe më të njohura të qytetit po ndryshon para syve të kalimtarëve.

Kush i shemb dhe pse - për këtë pyetje deri tani nuk ka përgjigje të qartë. Një pjesë e informacioneve të publikuara thonë se aktivitetet i nisi Qyteti i Shkupit dhe se shërbimet e qytetit janë në terren. Por kur Qyteti u pyet nëse i kishte arritur kërkesë për heqjen e tezgave, udhëzoi te Komuna e Çairit, me arsyetimin se nuk është kompetent.

Tezgat, sipas informacioneve, janë pronë e një kompanie private. Në Komunën e Çairit deri tani nuk kanë informacione të hollësishme për heqjen e tyre, ndërsa një shpjegim më të detajuar e paralajmëruan më vonë.

Nëpër Bit-Pazar çdo ditë kalojnë mijëra njerëz, ndërsa për atë se si do të duket hapësira pas shembjes askush zyrtarisht nuk ka thënë asgjë. Kur ndryshohet fytyra e një tregu të tërë, a nuk duhet së pari të shihet projekti, e vetëm pastaj ekskavatori? Dhe ku do të shesin ata që deri tani punonin në këto tezga?