На 5 октомври попладне почна уривањето на дел од тезгите на Бит-пазар. Скопјани на социјалните мрежи веќе коментираат дека „тезгите на Бит-пазар одат во историјата“, а ликот на еден од најстарите и најпрепознатливите пазари во градот се менува пред очите на минувачите.

Кој ги урива и зошто – на тоа прашање засега нема јасен одговор. Дел од објавените информации велат дека активностите ги започнал Град Скопје и дека градските служби се на терен. Но кога Градот бил прашан дали до него стигнало барање за отстранување на тезгите, упатил на Општина Чаир, со образложение дека не е надлежен.

Тезгите, според информациите, се во сопственост на приватна компанија. Во Општина Чаир засега немаат детални информации за нивното отстранување, а подетално објаснување најавија дополнително.

Низ Бит-пазар секојдневно минуваат илјадници луѓе, а за тоа како ќе изгледа просторот по уривањето никој официјално не кажал ништо. Кога се менува лицето на цел пазар, нели прво треба да се види проектот, па дури потоа багерот? И каде ќе продаваат оние што досега работеа на овие тезги?