Irani njoftoi se së bashku me Omanin do të vendosë taksë kalimi për anijet që kalojnë nëpër Ngushticën e Hormuzit gjatë armëpushimit dyjavor.

Sipas raportimeve, Irani kërkon 2 milionë dollarë për anije për kalim të sigurt nëpër rrugën strategjike ujore, nëpër të cilën kalon afërsisht një e katërta e tregtisë globale detare të naftës.

Ky hap paraqet një precedent të ri në tregtinë ndërkombëtare detare. Deri tani, Ngushtica e Hormuzit ishte e hapur për lundrimi të lirë, dhe vendosja e taksave mund të ketë pasoja afatgjata për rrjedhat globale tregtare.

Pavarësisht njoftimit për armëpushim, tankerët ende presin para hyrjes në ngushticë. Kompanitë e anijeve mbeten të kujdesshme dhe nuk janë plotësisht të bindura për sigurinë e kalimit.

Kjo është pjesë e planit iranian me dhjetë pika që, ndër të tjera, kërkon njohjen e kontrollit iranian mbi Ngushticën e Hormuzit - kërkesë të cilën Uashingtoni zyrtarisht nuk e ka konfirmuar.