Garda Revolucionare Iraniane (IRGC) publikoi nje video me te cilin pretendon se ka rrezuar nje avion luftarak amerikan F/A-18 Super Hornet prane Chabahar, ku avioni gjoja ra ne Oqeanin Indian.

Per momentin nuk ka konfirmim te pavarur per kete pretendim nga burime amerikane, perendimore apo neutrale. Komanda Qendrore e ushtrise amerikane (CENTCOM) i ka mohuar ne menyre te perseritur pretendimet e ngjashme te IRGC-se, duke theksuar se SHBA-te kane dominim te plote ajror ne rajon dhe se asnje avion luftarak amerikan nuk eshte goditur nga zjarri iranian.

Videoja e shperndare nga IRGC tregon nje avion ne distance ne fluturim, por pa goditje te dukshme, shperthim apo renie. Analistet ushtarake theksojne se pamjet nuk permbajne prova qe do te mbeshtesnin pretendimet e pales iraniane.

F/A-18 Super Hornet eshte avioni kryesor luftarak i marineses amerikane per me shume se 25 vjet. Cdo anije amerikane mbajtese avionesh mbart dhjetera avione te tilla, qe perfaqesojne simbolin e fuqise ushtarake dhe projektiimit global te forces se SHBA-ve.

Incidenti vjen ne nje periudhe tensionesh te shtuara midis Uashingtonit dhe Teheranit, ku te dyja palet shkembejne retorike te ashpra dhe demonstrime ushtarake ne rajonin e Lindjes se Mesme.